有朋友話睇完我D相，覺得葡萄牙好似鬼城，Haha, 應該係我影相影得唔係幾好.😝😝令大家有錯覺.
其實，葡萄牙既天氣差不多日日都天晴，黎左差不多一個月，只係兩三日間唔中有微雨. 呢度既天氣其實幾似以前既HK, 四季分明，冬天最凍都係5-6度到，但比起HK黎講就比較大風🌬, 有一晚時速係有成32/km per hour, 大風到以為3號/8號波lol😝😝
但葡萄牙其實對歐洲人黎講都算係一個幾熱既地方，就好似我地HK人覺得泰國咁一樣，所以好多德國/英國/北歐人黎都好鍾意黎呢度旅行度假，或者甚至搬埋過黎住.
**Friendly Reminder:** 如果大家想黎旅行，怕熱既，可以考慮下3-5月/ 10-11月，溫度太約係10幾-20幾度，早晚清涼，中午有陽光☀. 呢個時間又咁岩過左歐洲既旅遊旺季，酒店機票咩都無咁貴. 但當然....如果你係陽光海灘之人🏖，6-9月呢段時間，你一定不能錯過!!! 葡萄牙既夏天熱情奔放，係海邊睇下日落，食下雪糕🍧，飲番杯酒Chill下🍷，簡直係歐洲人對生活既一種浪漫💓
P.S 以上既天氣係以葡萄牙首都里斯本(南部城市)為參考. 如果去其他城市好似波圖咁(北部城市)，係會比較凍多2-5度.
P.S 附上精美的藍天和日落圖.
Comentarios