葡萄牙生活悠閒，佢地一日差不多食足4餐，但好彩食物種類都有好多選擇，而且都好豐富同好好味.
等我一連4日就介紹下佢地既飲食文化啦! 首先由"早餐晨之美"開始la~~☀
早餐時間: 6-12am
進食時間: 太約15分鐘 - 幾小時
價錢: 每人EU2-10不等
佢地早餐通常都係屋企/一D舖頭叫"Cafeina"到食，好似我地既茶餐廳咁，周圍都有，餐廳里面通常都有吧枱同廚櫃. 廚櫃入面會display左好多是日麵包，蛋糕，甜品，好多人就會係個度選擇自己想食既，例如食個牛角包，食個甜或鹹批，或者食個甜到漏既葡撻/ 沙翁 (係，無錯，佢地一早就食咁甜😂😂)，之後俾完錢，待應就會拎俾你架啦.
唯一特別既係你會見到成排人企係度食，一黎因為企係度食係便宜D，二黎因為佢地趕著返工，個個都食得好快，好快咬個包加杯Espresso就係佢地既早餐啦.
通常會坐係度食既，都係D婆婆同公公，佢地好似Morning Meeting咁，每日準時出現，就係度同朋友一齊歎下咖啡，吹下水，睇下報紙. 唔好以為佢地落街，著街坊裝就算，佢地通常都精心打扮，著留條靚裙，拎留個靚手袋，因為佢地可能一傾就傾幾個鐘架啦😂😂
最後，如果你覺得廚櫃入面個D甜野同炸野都唔係好岩你心水，其實差不多每間餐廳都有個secret menu, 你係可以就咁同待應講要個 "toast with butter/ jam / ham & cheese or beef / pork sandwich”，通常每間都可以即刻整俾你。咁下次如果你黎葡萄牙，就唔駛擔心無野食.
Σχόλια