我覺得下午茶對葡萄牙人黎講真係好重要. 志不在那甜品或咖啡，而是那生活閒情.
下午茶時間: 3-7pm (夏天會遲D去到8pm)
進食時間: 快則15分鐘，耐則成個下午至日落，一直傾計，曬下太陽☀
價錢: 太約係EU2-8
經典下午茶 - Espresso☕配葡撻，或其他甜點好似葡式沙翁奶黃餡(bolo de berlim)，杏仁撻 (tarte de amêndoa)，Pudim 🍮(甜過HK好多既布甸，但質感不同，都可以一試)，朱古力卷(Salame de Chocolate，又叫Chocolate salami，做法係將D朱古力同餅碎同牛油同蛋卷埋一齊，之後雪凍佢，變成朱古力卷)......其實佢地真係好鍾意食甜點，一時都介紹唔曬，或者大家可以係櫥窗睇下有咩吸引到你，就抱著冒險精神試下，或者等我下次再推介俾大家呀～
如果大家唔鍾意食甜野，不坊試下馬介休球，乳豬包，或者葡式炸雞/牛/蝦球 🍤(coxinha de frango / carne/ caramao)，個人認為葡式炸物比較有特式，值得一試.
呢度有好多巴西人，巴西下午茶代表就有:
1/ Açaí Bowl 巴西莓沙冰加生果🍓🍑🥝，超級好味又健康 ，夏天代替雪糕既減肥恩物(FYI, 巴西莓是抗氧成份為水果之冠，岩曬女士)
2/仲有甜到漏既Brigadeiro，係用煉奶溝朱古力粉煮成，之後搓成一個朱古力球再加朱古力碎，甜到好幸福🍫💓
而如果旅行，我覺得最正既就係行左整日，不如搵間Coffee Shop / Bar 嗌番杯紅酒或者葡萄牙特產Green Wine 🍷再配芝士同橄欖，同朋友坐低欣賞下日落🌄，聽下Fado (傳統葡萄牙音樂)，這就是"下午茶之美"。🧡🧡🧡🧡
P.S 葡萄牙特產Green Wine 🍷 - Vinho Verde，佢亦都叫Young Wine, 因為呢種酒係用3-6個月既提子釀成的，比其他酒用既提子比較早熟，但佢其實都有機會係紅/白色，唔一定綠色先係架)
コメント