晚飯時間: 8-11pm (佢地6-7點先食完下午茶，晚飯遲少少係正常的. Haha, 雖然對我地黎講，唔只遲少少😂)
進食時間: 太約1-4小時
價錢: 每人EU15-40不等 (視乎餐廳類型)
黎左葡萄牙一個月，我發覺原來葡萄牙菜可以搵到好多不同國家既足跡。因為歷史既關係，葡萄牙偉大既航海旅程，令佢地好早期就已經去到日本🇯🇵，中國🇨🇳，印度🇮🇳，巴西🇧🇷等國家了解當地既飲食文化，而且互相影響。
日本🇯🇵
黎左先知道原來佢地先係天婦羅既始祖，因為佢地近海邊，擁有好多豐富海產，而佢地有一道菜係炸海鮮，正正係佢地去日本既時候，將呢個煮法同日本人分享，而演變成今天的天婦羅. 🍤
中國🇨🇳
佢地更受到我國”偉大”既影響，將粥改良為佢地既雞湯飯 (Canja e galinha)，同樣都係通常病人會食而覺得會快點痊癒既料理之一。
印度🇮🇳
佢地既料理仲會包含咖哩，有時會配黃薑飯，雖然唔係經常食到，但試過後，的確是有點🇮🇳印度的味道 (當然係唔辣版比起印度😂).
巴西🇧🇷
最後，當然唔少得Feijoada, 🇧🇷巴西家常便飯必備，黑色豆子配Salami再加豬肉一齊煮，配白飯一流 (雖然外貌不大討好，但信我，係值得一試🤙🏼👍🏼)。
傳統葡萄牙菜- 除左之前介紹過既薯絲馬介休(Bacalhau à brás), 沙甸魚, 臘味飯 (Arroz de Pato),燒乳豬等，
其實葡萄牙海產非常豐富而種類繁多，不得不推介佢地既海鮮飯(同西班牙海鮮飯唔同，佢地既海鮮飯係煮到好似湯飯咁，所以個湯有曬唔同海鮮既精華，超級鮮甜)
仲有八爪魚沙律🐙 (八爪魚煮到好淰，加埋橄欖同秘製醬汁,酸酸地好開胃)，
同埋有個蜆肉排骨薯仔 (Carne de porco com ameijoas)都好有特色同D蜆好新鮮，好有海水味，記著一試～
最後...Highly recommend, 大家一定要去食下一d餐廳叫Churrasco, 即係炭爐燒烤餐廳，店舖出面通常都會吊/放左好多新鮮既肉類同海鮮係度，有D你仲會離遠已經嗅到炭爐燒雞味，令你即刻好想入去食. 係呢度，你可以品嚐到肉同海鮮既鮮味，雞豬牛羊雞心串燒樣樣有，仲有好多魚類🐟，鮮蝦🦐，貝殼類即刻燒俾你食，配上沙律/薯條同飯都係Yum yum😋.
P.S 一連四日介紹左咁多葡萄牙美食，好想話俾大家聽，葡萄牙菜好食唔好睇，所以大家記著放膽，咩都試下啦.
Comentários